معهد فتيات كفر ابراش

هدفنا الوصول للاحلام غايتنا تغيير الواقع موقعنا تعليمى لكل الاخبار التى تخص المعهد واخر اخبار الازهر خاص بالبنات فقط

    اجمل ما كتب عن ثورة25 يناير

    شاطر

    نور الشمس

    عدد المساهمات: 19
    تاريخ التسجيل: 25/10/2010
    العمر: 19

    اجمل ما كتب عن ثورة25 يناير

    مُساهمة  نور الشمس في الإثنين فبراير 14, 2011 7:24 pm


    اجمل قصيده عن ثورة 25 يناير ( هما كلمتين )



    هما كلمتين .. كلمة وكلمة .. مش مهم مين .. لكن اسمع بذمه

    دمنا ساح .. وحقنا راح..ناس مهضومه وناس مظلومه .. وحكومة نايمه ببال مرتاح

    بأمر وزير.. تطلع تقارير.. فبركي ياحكومة.. ماحنا الطراطير

    يناير خمسة وعشرين .. طوفان مظلوم .. فاق من النوم .. يطلب حقه بعد سنين

    سنين وعقود .. ذل وقهر .. فقر وجهل .. ولسان معقود

    معقود بقانون.. طاريء وفساد .. ظلموا عباد .. باعوا بلاد .. وحملوها ديون

    ديون فى رقبتى .. اديلك وقتى .. ولا اعرف انام . ابدا دلوقتى .. والحق اهو قام

    قام ثوار .. شباب احرار.. من كل دار .. على الخير ناويين

    والنيه بصوت .. كان مكبوت .. صرخوا وقالوا ..الطاغى يغور .. والظلم يموت

    نظام ينشال .. ورجال اعمال .. حراميه تقال .. اتغدو بلحمى واتعشوا سكوت



    قالوا عيال .. طايش مهزوز .. ولما نعوز .. ندوسهم فى الحال

    حدفوا قنابل مسيله وغاز.. وامن بخوذه ووش ازاز.. درع يمين وعصايا شمال

    جابوا قوات .. قتلوا وجرحوا .. شباب وبنات .. من كل حي

    رصاص مطاطى ورصاص حي .. لايوم هنطاطى .. والنصر اهو جي



    اعلام مشلول .. باعو المقتول ..كلام اوهام ..ولا فى الاحلام

    المرئي كفيف والراديو اصم.. مليان تزييف ولا فيش دم

    ساعه ايران وساعة اخوان ..والعملا هناك فى كل مكان

    وجبات كنتاكى.. والمعزة تكاكى.. وباضت جبنه بيضه قريش

    زى ماخالد وبعده بلال.. وباستهبال .. كسروا دماغهم بقرش حشيش

    الحاج صابر والخاله سعاد.. بقدرة قادر.. بقوا من الموساد



    دمك ياشهيد.. لايوم هايجف .. الشمعه تقيد.. وجروحنا تخف

    الشعب اتهان من ده ومن ده .. وعم سليمان يقولك اجنده

    احزن عليه ولا احزن على الكبير .. اللى قاعد فوق وحادفنا فى بير

    انا حزني وطنى .. وهمى وطنى .. مش حزب وطنى .. اللى سارق وطنى

    ارحل بخوفنا وخد معاك جمال.. ولا اكنا شفنا .. خيول او جمال

    انا عاوزه يغور .. والكل كذلك .. بالحزب بتاعه ونظامه الهالك

    او اقولك ..خليك ..هانحط عليك ..فى ميدان تحرير ..ونحجز مالك

    الشعب خلاص.. طلب الخلاص ..فارقنا وارحل وانفد من سؤالك

    بلادى مصر حرة ..ماتقولش ارحل ليه؟.. هى حرة.. وحرة بلادي

    هاتحافظ على الامين.. مهما فقره كان.. ويسقط اللى خان.. وتطرد الاعادي

    ---------------


    lol! lol!

    admin
    Admin

    عدد المساهمات: 417
    تاريخ التسجيل: 21/10/2010

    شكر

    مُساهمة  admin في الأحد فبراير 20, 2011 1:48 pm

    شكرا نور الشمس تعجز الكلمات عن وصف ثورة 25 يناير
    لم تكن فى الحسبان
    اشعر الشعراء عبروا لكن لم يوفوها حقها


















    شكرا لكى مرة اخرى

    elameed
    زائر

    رد على شعر نور الشمس

    مُساهمة  elameed في الإثنين فبراير 28, 2011 4:29 pm

    شعر جميل جدا يانور الشمس واصبحتم من جيل الثورة

      الوقت/التاريخ الآن هو الخميس يوليو 31, 2014 3:32 pm